ديوانية سمن على العسل

[صبرا]

غناتي قمورة وقطرات مطر عظم الله اجركم وان شالله اخر الاحزان
الديوانية بدونكم صارت ظلمة وماحد يدخلها

[أم فاطِمة]

قطرات وقمورة ؟؟
عظم الله أجركم يارب .. والله يسكنه الجنة بحق محمد وآل محمد

[أم فاطِمة]

مساء الخير
كيفكم بنات
الديوانية مهجورة على الاخر ..
اني جيت بغدايي
من بياكل وياي ؟
الي تاكل وياي مو تهج عني
خلنا نسولف
دجاج محشي مع الرز

[صبرا]

علييييييييييييييييييييييي ويش هالغبرة
وين الجماعة تاركين الديوانية مهجورة
على الاقل طفيتو الليتات مو تصرف علينا كهربا على الفاضي

ماعندي سالفة بس باقول ليكم عملة بتي اليوم اللي كان بتسوي من وراها هوايل بس الله ستر
جيت افتح شنطتها بعد ماجت من المدرسة الا داهوه قوطي عصير مفتوح داخل الشنطة>وجه فاق بوزه
بس الله ستر انه صار فوق النشاف اللي في شنطتها وفي الفتحة اللي مافيها كتب
والله كان راحت كتبنا سباحة
اقول ليها ليش حاطة القوطي في الشنطة قالت لاني فتحته وعلى طول خلصت الفسحة
يقولو عني كريمة على من طالعة هالبنية بخيلة مادري
ماهان عليها ترمي القوطي وهيه ماشربت منه

[صبرا]

يؤ غناتي ام فاطمة كانش تدري اني للحين ماتغديت
والطبخة صراحة اطيح الريري من حلاوتها

وينكم يابنات ومابحدد احد كلكم غايبين ترى استفرد بالصحن لحالي
لو بوديه قسم المطبخ لفلاح مسكين داكو قاعد بجوعه

[قمورة]

السلام عليكم

شحوالكم

مشكورين على السؤال وطول الله عمر الجميع

ماننحرم من سؤالكم

بالتوفيق للجميع

[أم فاطِمة]

يا حليلها بنتش خخخخخخخ
بقول لش قصه فطوم
خخخخخخخخخ
امس نشوف دعاية من لايرحم لا يُرحم
بقول ليكم عنها
مرأة عندها عزمونة نسوان
والشغالة تجيب الاكل
وقامت تصرخ عليها
وجع وما تفهمي
انحرجت الشغالة ومشت
قصتنا
ان فطوم يوم شافت الدعايه قالت
ماما احنا اذا جبنا شغالة بنخليها ترتاح ما بنتعبها ههههههههههههههه

[أم فاطِمة]

هلا قمورة
كيفك حبيبتي
ما تشوفوا شر ان شاء الله

[صبرا]

هلا غناتي قمورة الش وحشة وش كبرها في المنتدى

وام فاطمة اخاف اتجيبو شغالة وتشتغلو انتون ليها عشان ماتتعب خخخخخخخ

كاني اشوف ابو ياسمين موقف على باب الديوانية اتغطو يابنات
يمكن جاي يوصل ام ياسمين تقعد ويانا

[أم فاطِمة]

ويش تسوي أبو ياسمين
ماتدري ان هذي حق نسوان
يللا اتنحنح وادخل
دحنا بنتغطى

[أم فاطِمة]

تفضلوا حلو




تفضلوا تفضلوا

[ورود عمري]

ســــــــــــلام --شخباركم...وحشتوني ووحشتني سوالفكم
قمورة--وحشتينا مرررة ..
صبرا وأم فطوم ياحليلهم بناتكم...
أسمعوا سالفة بتي زينب<<<عمرها سنتين
كلما أدخل معاها الحمام أغير ليها لازم تفرش أسنانها<<زود النظافة
المهم شريت ليها فرشة اسنان جديدة..
وأول مرة بتستخدمها دخلت الحمام ونادتني:
"مامـــــــــــــا!!!!أتناني تتتبح"
ورحت ليها إلا حاطة فرشتها في المرحاض وتقول ليي تتسبح..قطيتها على طول وهي تصرخ تبغاها...
البنات وراهم بلاوي بعد..
يالله أشوفكم على خير

[AL-REEM]

السلام
مساكم الله بالخير, شخباركم جميعاً.
قطرات , قموره عظم الله اجوركم.
ام فاطمه مشكوره حبيبتي على الغذا, والحلى...
صبرا موبس ابو ياسمين الى يدخل , الجوهر بعد داخل , مساكين يمكن جوعانين
يالله انا بطلع وباخليه ياكل على راحته بس مره ثانيه لاتعيدهايالجوهر.

[قطرات مطر]

خخ
هلا بيكم يانسوا خخ اخباركم
وحشتونا طبعا اول شي ابارك لكم اففتتاج المنتدى بعد ماتسكر وكانه سنة مسكرينه
ورودو قصو بنتك ضحتني ياعلي سوالف الاولاد ماتخلص
المهم لاتنسونا من الدعاء في هدي الاايام
ام فاطمة قلدناك الدعاء والزيارة وحجة مقبولة ان شاء الله وحج مبرور وسعي مشكور
وحشتوني كلكم قمورة نور الشموع ورود عمري الريم صبرا وان شاء الله مانسيت احد
طبعا مادخلت الديوانية الا هي مرة مغبرة ونظفتها وجبت معاي شغالتنا خليتها تلمعها قلت مايصير تجون وهي مغبرة بتفطسوا من الغبرة
اخليكم الحين تعبت من التنظيف خخ

[صبرا]

واخيرا عدنا
صار ليي اسبوع تايهه في عالم النت
احس كان ماعندي بيت
وحشوتوووووووووووووووووووووووووووووووووووني كلكم

راجعة بعدين

[قمورة]

مساكم الله بالخيرات والليرات

كيف حالكم وحشتوني مررررة كلكم وزي ماقالت صبرا

صرت ضايعة بين المنتديات كأن ماعندي بيت

الحمد لله على رجوعه ومشكورة قطرات مطر على التنظيف تعبتي حالك الله يعطيكِ العافية

لكن بسألكم وين القسم العام ؟؟؟

وليش المنتدى مرررة ضعفان ؟؟

الأول افضل صح؟

[صبرا]

هلا غناتي قمورة
القسم العام موجود تحت شوي
دوريه وبتحصليه
والمنتدى ضعفان لانه صار ليه اكثر من اسبوع مااكل شي
يالله اكلوه مشاركات ومواضيع كان تطلع خدوده شوي

[وردة بساتيني]

والله العظيم فجيتوا علي وااااااااااااااااااااااااااااااااااااجد
أخيراً رجع الرامس .. والله الفتره الي راحت صرت زي السنور ماعندي بيت
وأني ماأحب أتسكع إلا في الرامس .. عشرة عمر ماتنسى
المهم أدعوا لي أختبارات بس داخله أسلم عليكم

[AL-REEM]

كيفكم شخباركم
وحشتوووووووووووني مره مره مره
الحمد لله على رجوع الرامس بعد ما ضيعنا
طمنونا عليكم ان شاء الجميع بخير , ورده بالتوفيق ان شاء الله,
وربي يوفق الجميع.

[قمورة]

هلا خواتي

ويش فيكم الديوانية على طول ظلمة

كل مرة اجي مافيه احد عساه خير ؟؟؟

لو تعودتوا من دون الديوانية ؟

ام فاطمة راحت الحج لو بعدها؟